ചവറ: ബൈക്കപകടത്തിൽ യുവാവ് മരിച്ചു. പന്മന പുതുശ്ശേരിക്കോട്ട പള്ളിയുടെ വടക്കതില്‍ കുറവരയ്യത്ത് അഹ്മദ് കുഞ്ഞ്-ഹസീന ദമ്പതികളുടെ മകന്‍ മുഹമ്മദ് ഹസീബ് (26) ആണ് മരിച്ചത്.
ദേശീയപാതയിൽ അമ്പലപ്പുഴ പുറക്കാട് കരൂര്‍ അയ്യന്‍കോയിക്കലിനു സമീപം കഴിഞ്ഞ ദിവസം പുലര്‍ച്ച ആറിനാണ് അപകടം. ആലപ്പുഴയിലുള്ള സുഹൃത്തിനെ നെടുമ്പാശ്ശേരി എയര്‍പോര്‍ട്ടിലാക്കി തിരികെ വീട്ടിലേക്ക് മടങ്ങുമ്പോൾ ദേശീയ പാതക്കരികിലെ സ്ലാബില്‍ ബൈക്ക് ഇടിച്ചുകയറുകയായിരുന്നു. സഹോദരി: ഹിസാന.
