ഒല്ലൂർ: ചിയ്യാരം പട്ടാളക്കിണർ റോഡിൽ പാണപ്പറമ്പിൽ രഘുവിന്റെ മകൻ രാംനേഷ് (29) തിരുവനന്തപുരത്ത് ടിപ്പർ ലോറിയിടിച്ച് മരിച്ചു. തിരുവനന്തപുരം പള്ളിപ്പുറം സി.ആർ.പി.എഫ് ക്യാമ്പിനുസമീപം റോഡ് മുറിച്ചുകടക്കുന്നതിനിടെ തിങ്കളാഴ്ച രാവിലെ ടിപ്പർ ഇടിക്കുകയായിരുന്നു. ടിപ്പർ നിർത്താതെ പോയി. കുടുംബശ്രീ ഇടുക്കി ജില്ല മിഷനിൽ കൃഷിയുടെ ചുമതലയുള്ള ഉദ്യോഗസ്ഥനാണ്. തിരുവനന്തപുരത്ത് നടക്കുന്ന കുടുംബശ്രീ റോൾ ഔട്ട് ശിൽപശാലയിൽ പങ്കെടുക്കാനെത്തിയതായിരുന്നു. അവിവാഹിതനാണ്. മാതാവ്: മാനസവല്ലി. സഹോദരിമാർ: ജസിത, ലാവണ്യ. സംസ്കാരം പിന്നീട്.