തൃശൂർ: ബി.എസ്.എൻ.എൽ തൃശൂർ ജില്ല സീനിയർ അക്കൗണ്ട്സ് ഓഫിസറായിയിരുന്ന കെ.കെ. സുകുമാരൻ (61) നിര്യാതനായി. തൃശൂരിലെ താമസസ്ഥലത്തു നിന്ന് ജന്മനാടായ കണ്ണൂരിലേക്ക് ട്രെയിനിൽ പോകുന്നതിനിടെ കൊയിലാണ്ടിയിൽ വെച്ച് നെഞ്ച് വേദന വന്ന് മരിക്കുകയായിരുന്നു. സൂറത്തിൽ ബി.എസ്.എൻ.എൽ അക്കൗണ്ട്സ് വകുപ്പിൽ സീനിയർ അക്കൗണ്ടന്റ് ആയി ദീർഘകാലം ജോലി ചെയ്തിരുന്നു. ഫെഡറേഷൻ ഓഫ് ഗുജറാത്ത് മലയാളി അസോസിയേഷൻ (ഫെഗ്മ) മുൻ ട്രഷററും സൂറത്ത് കേരള സമാജം ഭാരവാഹിയുമായിരുന്നു. ലയൺസ് ക്ലബ് തൃശൂർ നോർത്ത് സോൺ സെക്രട്ടറിയാണ്. കണ്ണൂരിലെ കൈതപ്രം സ്വദേശിയാണ്. സുഹൃത്തുക്കളുമായി തിങ്കളാഴ്ച കൊട്ടിയൂർ ക്ഷേത്ര ദർശനത്തിന് വേണ്ടി പോകാനായിരുന്നു വീട്ടിലേക്ക് വന്നിരുന്നത്. ഭാര്യ ജ്യോതി സുകുമാരൻ ജി.എസ്.ടി വകുപ്പിൽ തൃശൂർ സൂപ്രണ്ട് ആണ്. മക്കൾ: അനിരുദ്ധ്, സ്വാതി.