കയ്പമംഗലം: ചെന്ത്രാപ്പിന്നി മധുരംപിള്ളിയിൽ വയോധികനെ കിണറ്റിൽ മരിച്ചനിലയിൽ കണ്ടെത്തി. മധുരംപിള്ളി തണ്ടാശ്ശേരി വീട്ടിൽ പുഷ്പാകരനാണ് (80) മരിച്ചത്. ശനിയാഴ്ച രാത്രി ഉറങ്ങാൻ കിടന്ന ഇദ്ദേഹത്തെ നേരം പുലർന്നപ്പോൾ വീട്ടിൽ കാണാതായതിനെത്തുടർന്ന് നടത്തിയ അന്വേഷണത്തിലാണ് തൊട്ടടുത്ത പൊതുകിണറ്റിൽ മൃതദേഹം കണ്ടത്. അഗ്നിരക്ഷ സേനയെത്തി മൃതദേഹം പുറത്തെടുത്ത് കൊടുങ്ങല്ലൂർ താലൂക്ക് ആശുപത്രിയിലേക്ക് മാറ്റി. കയ്പമംഗലം പൊലീസ് നടപടി സ്വീകരിച്ചു. ഭാര്യ: മീനാക്ഷി. മക്കൾ: സുബീഷ്, ഷേർലി, ഷൈജി. മരുമക്കൾ: ഗ്രീഷ്മ, സതീശൻ, മണിലാൽ.