ഇരിങ്ങാലക്കുട: ആനന്ദപുരത്ത് ഓട്ടോറിക്ഷയും സ്കൂട്ടറും കൂട്ടിയിടിച്ചുണ്ടായ അപകടത്തിൽ മാപ്രാണം സ്വദേശിയായ കോളജ് വിദ്യാർഥി മരിച്ചു. മാപ്രാണം പള്ളിക്ക് അടുത്ത് ആഴ്ചങ്ങാടൻ ജോൺസന്റെ മകൻ ആരെസാണ് (21) മരിച്ചത്. ഞായറാഴ്ച ഉച്ചക്ക് രണ്ടിന് ആനന്ദപുരം പള്ളി പരിസരത്താണ് അപകടമുണ്ടായത്. സ്കൂട്ടറിന്റെ പിറകിലുണ്ടായിരുന്ന മാതാവ് ലിബിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇരുവരും മരണ വീട്ടിൽ പോയി മടങ്ങുകയായിരുന്നു. ചാലക്കുടി പനമ്പിള്ളി കോളജിലെ മൂന്നാം വർഷ ഡിഗ്രി വിദ്യാർഥിയാണ് ആരെസ്. സഹോദരി: അഥീന.