തൃശൂര്: നഗരത്തിൽ വാഹനാപകടത്തിൽ യുവാവ് മരിച്ചു. അന്തിക്കാട് തണ്ടിയേക്കൽ വീട്ടില് അനിൽകുമാറിന്റെ മകൻ നിമല് (27) ആണ് മരിച്ചത്. എ.ഐ.വൈ.എഫ് അന്തിക്കാട് മേഖല ജോയന്റ് സെക്രട്ടറിയാണ്. ശനിയാഴ്ച രാത്രിയിൽ സ്വരാജ് റൗണ്ടിൽ നായ്ക്കനാൽ സിഗ്നലിന് സമീപത്തായിരുന്നു അപകടം. നിമൽ സഞ്ചരിച്ചിരുന്ന ബൈക്ക് മറ്റൊരു വാഹനത്തിൽ ഇടിക്കുകയായിരുന്നു. പരിക്കേറ്റ ഉടൻ ആശുപത്രിയിലെത്തിച്ചുവെങ്കിലും മരണം സ്ഥിരീകരിച്ചു. സി.പി.ഐ അന്തിക്കാട് ലോക്കൽ കമ്മിറ്റി അംഗവും കേരള മഹിളസംഘം ജില്ല കമ്മിറ്റി അംഗവുമായ ഷീബ അനിൽകുമാറാണ് മാതാവ്. ഭാര്യ: ഗീതിക. സഹോദരി: നിമ്മി അരുൺ.