കല്ലടിക്കോട്: വാഹനാപകടത്തിൽ പരിക്കേറ്റയാൾ ചികിത്സയിലിരിക്കെ പെരിന്തൽമണ്ണ സ്വകാര്യ ആശുപത്രിയിൽ മരിച്ചു. തച്ചമ്പാറ മുള്ളത്തുപാറ പൂവ്വശ്ശേരി വീട്ടിൽ ഹംസയാണ് (71) മരിച്ചത്. 12ന് ചൂരിയോട്ട് പാലത്തിന് സമീപം വൈകീട്ട് നാലിന് ഹംസ സഞ്ചരിച്ച ഓട്ടോയിൽ കെ.എസ്.ആർ.ടി.സി ബസിടിച്ചാണ് അപകടം. മൃതദേഹം താലൂക്ക് ആശുപത്രിയിലെ പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറി.
