ചാവക്കാട്: ദേശീയപാതയോരത്തെ കാനയിൽ വയോധികനെ മരിച്ച നിലയിൽ കണ്ടെത്തി. മണത്തല പരപ്പിൽ താഴം ഭഗവതി പറമ്പിനുസമീപം പരപ്പിൽ താഴത്ത് ദേവനാണ് (85) മരിച്ചത്. ദേശീയപാത വികസന പ്രവർത്തനം നടക്കുന്ന അയിനിപ്പുള്ളിയിലാണ് സംഭവം. പുതിയ കാന നിർമാണം ആരംഭിച്ചതോടെ പഴയ കാന മൂടിയ സ്ലാബുകൾ ആക്രി പെറുക്കുന്നവർ തകർത്ത് കമ്പികൾ എടുത്തു കൊണ്ടുപോയിരുന്നു. ദേവൻ കാൽ തെറ്റി കാനയിൽ വീണതാകാമെന്നാണ് നിഗമനം. വ്യാഴാഴ്ച വൈകീട്ട് നാലിനാണ് ഇയാളെ മരിച്ച നിലയിൽ കണ്ടെത്തിയത്. ലാസിയോ ആംബുലൻസ് പ്രവർത്തകർ മൃതദേഹം ചാവക്കാട് താലൂക്ക് ആശുപത്രി മോർച്ചറിയിലെത്തിച്ചു. തങ്കയാണ് ദേവന്റെ ഭാര്യ. മക്കൾ: പി.ഡി. സുരേഷ് ബാബു (ചാവക്കാട് നഗരസഭ മുൻ കൗൺസിലർ), സദാശിവൻ, അനിത, ശോഭന. മരുമക്കൾ: ഓമന, സന്ധ്യ, ബാബു, രാമകൃഷ്ണൻ.