ഒല്ലൂർ: എലിപ്പനി ബാധിച്ച് വീട്ടമ്മ മരിച്ചു. വളർക്കാവ് കൊറ്റപ്പുള്ളി സുനിൽ കുമാറിന്റെ ഭാര്യ അനിഷയാണ് (35) മരിച്ചത്. മക്കൾ: അഞ്ചൽ, അനന്യ (വിദ്യാർഥികൾ). അവിണിശ്ശേരി തേക്കേ മഠം കൃഷ്ണൻകുട്ടിയുടെ മകളാണ്. കഴിഞ്ഞ 28നാണ് പനിയെ തുടർന്ന് ഒല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചത്. പിന്നീട് ജില്ല ആശുപത്രിയിലേക്ക് മാറ്റി. അവിടെ നടത്തിയ പരിശോധനയിൽ ഡെങ്കിപ്പനി ലക്ഷണങ്ങൾ കണ്ടതോടെ മെഡിക്കൽ കോളജിലേക്ക് മാറ്റി. അവിടെ വെച്ചാണ് എലിപ്പനി സ്ഥിരീകരിച്ചത്.