പെരിന്തൽമണ്ണ: വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ചു. ആനമങ്ങാട് മുഴന്നമണ്ണ മുള്ളത്ത് കുഞ്ഞാലിയുടെ മകൻ ഹൈദരാലി (44) ആണ് മരിച്ചത്. കഴിഞ്ഞ ബുധനാഴ്ച ഉച്ചക്ക് 12.45ഓടെ തൂത വക്കീൽപടിയിലാണ് അപകടം. ഹൈദരാലിയും മൂത്ത മകൾ സിയാനയും സഞ്ചരിച്ചിരുന്ന സ്കൂട്ടറിൽ എതിരെ വന്ന ലോറി ഇടിക്കുകയായിരുന്നു. പരിക്കേറ്റ ഇരുവരെയും പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. തലക്ക് ഗുരുതര പരിക്കേറ്റ് തീവ്രപരിചരണ വിഭാഗത്തിൽ ചികിത്സയിലായിരുന്ന ഹൈദരാലി ഞായറാഴ്ച ഉച്ചയോടെ മരിച്ചു. പെരിന്തൽമണ്ണ ജില്ല ആശുപത്രിയിൽ മൃതദേഹം പോസ്റ്റ്മോർട്ടം നടത്തി. തുടർന്ന് ചെത്തനാകുർശ്ശി ജുമാ മസ്ജിദ് ഖബർസ്ഥാനിൽ ഖബറടക്കി. ഭാര്യ: ജുമൈല. മറ്റു മക്കൾ: ദിശ്ന, ജന്ന. മാതാവ്: റുഖിയ. സഹോദരങ്ങൾ: ഹനീഫ, നജ്മുദ്ദീൻ, ഹാരിസ്.
