പൊന്നാനി: യുവതിയെ കിണറ്റിൽ മരിച്ചനിലയിൽ കണ്ടെത്തി. പൊന്നാനി പള്ളപ്രം ഹൈവേയിലെ മേപ്പറമ്പത്ത് ഷോപ്പിന് സമീപത്തെ വനിത ഹോട്ടലിന് പിറകുവശം താമസിക്കുന്ന മേനകത്ത് ജിജിമോളാണ് (40) മരിച്ചത്. ഞായറാഴ്ച രാവിലെ ഏഴിന് വീട്ടുമുറ്റത്തെ കിണറ്റിൽ മരിച്ചനിലയിൽ കണ്ടെത്തുകയായിരുന്നു. പൊലീസും ഫയർഫോഴ്സും ചേർന്ന് മൃതദേഹം പുറത്തെടുത്ത് പൊന്നാനി താലൂക്ക് ആശുപത്രി മോർച്ചറിയിൽ എത്തിച്ചു. ഭർത്താവ്: സച്ചിദാനന്ദൻ. മക്കൾ: ആദർശ്, അഭിനന്ദ്. സംസ്കാരം തിങ്കളാഴ്ച ഈശ്വരമംഗലം ശ്മശാനത്തിൽ.
