ചങ്ങരംകുളം: കുറ്റിപ്പുറം-ചൂണ്ടൽ സംസ്ഥാന പാതയിൽ മാന്തത്തിൽ യുവാവ് കാറിടിച്ച് മരിച്ചു. നന്നംമുക്ക് സ്വദേശി കുറ്റിയിൽ ആലിക്കുട്ടിയുടെ മകൻ മുഹമ്മദ് റാഫി (48) ആണ് മരിച്ചത്. തിങ്കളാഴ്ച രാവിലെ നാലരയോടെയായിരുന്നു അപകടം. ഇറച്ചിക്കച്ചവടക്കാരനായ റാഫി മാന്തടം സെന്ററിൽ സ്കൂട്ടർ നിർത്തി ചായക്കടയിലേക്ക് കയറാനായി ഇറങ്ങിയ ഉടനെ കാർ ഇടിക്കുകയായിരുന്നു. കുന്നംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. പോസ്റ്റ്മോർട്ടത്തിനു ശേഷം നന്നംമുക്ക് ജുമാമസ്ജിദ് ഖബർസ്ഥാനിൽ ഖബറടക്കി. ഭാര്യ: സാജിദ. മക്കൾ: മുഹമ്മദ് ആഷിം, ആഷിത.