കുഴൽമന്ദം: കയറംകുളം പാലത്തിനു സമീപം ലോറിയിടിച്ച് ബൈക്ക് യാത്രക്കാരനായ യുവാവ് മരിച്ചു. പാലക്കാട് മണപ്പുള്ളിക്കാവ് അലങ്ങാട്ട് അക്ഷര നഗറിൽ കൃഷ്ണപ്രസാദാണ് (26) മരിച്ചത്. തേങ്കുറിശ്ശി വിളയഞ്ചാത്തനൂരിലെ സുഹൃത്തിനെ വീട്ടിലാക്കി തിരിച്ച് പാലക്കാട്ടേക്ക് പോകുമ്പോൾ കയറംകുളം പാലത്തിനു സമീപത്ത് എതിരെ വന്ന ലോറി ഇടിക്കുകയായിരുന്നു. ഞായറാഴ്ച പുലർച്ച ഒരു മണിക്കാണ് അപകടം. സംഭവസ്ഥലത്തുതന്നെ കൃഷ്ണപ്രസാദ് മരിച്ചിരുന്നു. കുഴൽമന്ദം പൊലീസ് കേസെടുത്തു. സോമൻ -ജ്യോതി ദമ്പതികളുടെ രണ്ട് മക്കളിൽ മൂത്ത മകനാണ്. ആമസോണിൽ ആണ് ജോലി. സഹോദരി: വിഷ്ണുമായ.
