ആളൂര്: സ്കൂട്ടറില് മാതാവിനൊപ്പം സഞ്ചരിച്ച വിദ്യാര്ഥിനി കെ.എസ്.ആര്.ടി.സി ബസിടിച്ച് മരിച്ചു. ആളൂര് അരിക്കാടന് വീട്ടില് ബാബുവിന്റെയും ജിന്സിയുടെയും മകള് ഐശ്വര്യയാണ് (24) മരിച്ചത്. മാള റോഡിലെ ആളൂര് റെയില്വേ മേല്പാലത്തിനടുത്ത് വെള്ളിയാഴ്ച രാവിലെ എട്ടരയോടെയാണ് അപകടം. മാളയില് ബി.എഡ് വിദ്യാര്ഥിനിയായ ഐശ്വര്യ അധ്യാപികയായ അമ്മ ജിന്സിക്കൊപ്പം സ്കൂട്ടറിന് പിൻസീറ്റിലിരുന്ന് പോകുമ്പോൾ പിന്നിൽ വന്ന കെ.എസ്.ആര്.ടി.സി ബസ് ഇടിക്കുകയായിരുന്നു. റോഡിലേക്ക് തെറിച്ചുവീണ ഇരുവരെയും ഉടന് ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും ഐശ്വര്യ മരിച്ചു. പരിക്കേറ്റ ജിന്സി ചികിത്സയിലാണ്. ആളൂര് പൊലീസ് നടപടി സ്വീകരിച്ചു. സഹോദരന്: ആന്റണി. സംസ്കാരം ശനിയാഴ്ച ഉച്ചക്ക് 2.30ന് ആളൂര് സെന്റ് ജോസഫ്സ് പള്ളി സെമിത്തേരിയില്.