വാടാനപ്പള്ളി: പെയിന്റിങ് തൊഴിലാളിയുടെ മൃതദേഹം ചേറ്റുവ പുഴയിൽ ഒഴുകിനടക്കുന്ന നിലയിൽ കണ്ടെത്തി. ഏങ്ങണ്ടിയൂർ അഞ്ചാംകല്ല് നെടുമാട്ടുമ്മൽ രാമനാഥന്റെ മകൻ രാധാകൃഷ്ണൻ (41) ആണ് മരിച്ചത്. ശനിയാഴ്ച രാവിലെ ഒമ്പതോടെ ചേറ്റുവ പാലത്തിന് സമീപം കനോലി പുഴയിലാണ് മൃതദേഹം ഒഴുകിനടക്കുന്നത് മത്സ്യത്തൊഴിലാളികൾ കണ്ടത്. വാടാനപ്പള്ളി പൊലീസിന്റെ നിർദേശപ്രകാരം ചേറ്റുവ കടവ് പാലത്തിന് സമീപം മൃതദേഹം കരക്കടുപ്പിച്ചു. ബന്ധുക്കളെത്തി തിരിച്ചറിഞ്ഞു. ഭാര്യ: സുനിത. മക്കൾ: അനഘ്, ശാർവണ.