പുലാമന്തോൾ: തിരുനാരായണപുരത്തുനിന്ന് കാണാതായ വയോധികനെ കുന്തിപ്പുഴയിൽ മരിച്ച നിലയിൽ കണ്ടെത്തി. തിരുനാരായണപുരം പാലമുറ്റത്ത് കുഞ്ഞാടിയെയാണ് (83) ഞായറാഴ്ച വൈകീട്ട് ചെമ്മല കൊള്ളിത്തോട് കടവിൽ മരിച്ച നിലയിൽ കണ്ടെത്തിയത്. വെള്ളിയാഴ്ച വൈകീട്ടാണ് ഇയാളെ കാണാതായത്. പുഴയിൽ സാധാരണ പോവാറുള്ള കുഞ്ഞാടിയുടെ ഊന്നുവടി തിരുനാരായണപുരം നാട്ടുക്കൽ കടവിൽ കണ്ടെത്തിയതിന്റെ അടിസ്ഥാനത്തിൽ വെള്ളിയാഴ്ച രാത്രിയും ശനി, ഞായർ ദിവസങ്ങളിലും പെരിന്തൽമണ്ണ പൊലീസ്, ഫയർഫോഴ്സ്, ട്രോ മകെയർ, നാട്ടുകാർ എന്നിവർ സംയുക്തമായി പുഴയിലെ തടയണ വരെ തിരച്ചിൽ നടത്തിയെങ്കിലും കണ്ടെത്തിയിരുന്നില്ല. പെരിന്തൽമണ്ണ ജില്ല ആശുപത്രി മോർച്ചറിയിൽ സൂക്ഷിച്ച മൃതദേഹം തിങ്കളാഴ്ച പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകും. ഭാര്യ: കാളി. മക്കൾ: നിഷ, ഗിരിജ, സത്യഭാമ, മണികണ്ഠൻ. മരുമക്കൾ: മോഹൻദാസ്. ഉണ്ണികൃഷ്ണൻ, അഖില.
