പട്ടിക്കാട്: ദേശീയപാത ചുവന്നമണ്ണിൽ കാറിടിച്ച് വയോധികൻ മരിച്ചു. പൂവ്വൻചിറ പൂന്തുരുത്തി വീട്ടിൽ ശ്രീധരൻ (83) ആണ് മരിച്ചത്. ബുധനാഴ്ച രാവിലെ ഒമ്പതോടെയാണ് അപകടം. തൃശൂർ ഭാഗത്തേക്കുള്ള പാതയിൽ ധർമോദയം ആശുപത്രിക്ക് മുന്നിൽ റോഡ് മുറിച്ചുകടക്കുകയായിരുന്ന ഇദേഹത്തെ പാലക്കാട് ഭാഗത്തുനിന്ന് വന്ന കാർ ഇടിക്കുകയായിരുന്നു. ഗുരതര പരിക്കേറ്റ ശ്രീധരനെ ജില്ല ആശുപത്രിയിൽ പ്രവേശിപ്പിച്ചെങ്കിലും മരിച്ചു. ഭാര്യ. ലീല. മക്കൾ: ഉഷ, ഷൈജ, പരേതനായ ഷാജി, സ്വപ്ന, സജീവൻ. മരുമക്കൾ: കുട്ടൻ, ലിജി, ബാബു, കൃഷ്ണ. സംസ്കാരം വ്യാഴാഴ്ച രാവിലെ എട്ടിന് പാമ്പാടി ഐവർ മഠത്തിൽ.