മഞ്ചേരി: നാടകകൃത്തും അധ്യാപകനുമായ പി.കെ. ദേവൻ (74) അന്തരിച്ചു. എളങ്കൂർ എടക്കാട് പുല്ലൂർ കുറ്റാനിക്കാട് മനയിൽ വെച്ചായിരുന്നു മരണം. പ്രജാപതി, പരുഷ പുരാണം, അടിമകൾക്ക് ഒരു പുരാവൃത്തം, അമ്മ കരയരുത്, ഇടത്തു പുറത്തപ്പൻ, സംഘവൃത്തം, 50കളിലെ കൈയെഴുത്തുപ്രതി, ആറ്റുകരതോറ്റം, ആദിചേര പെരുമാൾ, കരിങ്കളിയാട്ടം, പഴമയുടെ പാട്ട് എന്നീ നാടകങ്ങളുടെ രചയിതാവാണ്. വ്രണിത ഭൂമി, മൂഷിക വംശം എന്നീ പുസ്തകങ്ങളുടെ വിവർത്തനം നിർവഹിച്ചു. ഏറനാട് താലൂക്ക് കോഓപറേറ്റിവ് കോളജിൽ ദീർഘകാലം അധ്യാപകനായിരുന്നു. വിവേകപ്രദായിനി എന്ന വിദ്യാലയം, എടക്കാട് ശ്രീശാസ്ത കോളജ് എന്നിവ സ്ഥാപിച്ചു. കേരള സംഗീത നാടക അക്കാദമി, എഫ്.എ.സി.ടി, തുഞ്ചൻ, ദൃശ്യകല പുരസ്കാരങ്ങൾ നേടിയിട്ടുണ്ട്. ഭാര്യ: ചന്ദ്രിക. മക്കൾ: സൗമ്യ (പള്ളത്തേരി മന, തൃശൂർ), രമ്യ (മൂത്തേടത്ത് മന, കൊടശ്ശേരി), ഭവ്യ (ഈറ്റിശ്ശേരി മന, പാലക്കാട്). മരുമക്കൾ: മനോജ് (പൊലീസ്, തൃശൂർ), ധനേഷ് (തന്ത്രി), മിഥുൻ (റെയിൽവേ).
