വള്ളിക്കുന്ന്: കടലുണ്ടിക്കടവ് പാലത്തിന് ചുവട്ടിൽ 50 വയസ്സ് തോന്നിക്കുന്ന അജ്ഞാത പുരുഷന്റെ മൃതദേഹം കണ്ടെത്തി. വെള്ളിയാഴ്ച രാവിലെ എട്ടോടെയാണ് പുഴയും കടലും സംഗമിക്കുന്ന കടലുണ്ടിക്കടവ് അഴിമുഖ പ്രദേശത്ത് പാലത്തിന് ചുവട്ടിലായി മൃതദേഹം കണ്ടത്. അഞ്ചര അടി ഉയരമുള്ള വെളുത്ത് തടിച്ചയാളാണ്. നരച്ച കുറ്റിത്താടിയുണ്ട്. ചാരകളർ ടീ ഷർട്ടും കറുത്ത ട്രൗസറുമാണ് വേഷം. മൃതദേഹം കോഴിക്കോട് മെഡിക്കൽ കോളജ് ആശുപത്രി മോർച്ചറിയിൽ. ഇയാളെ കുറിച്ച് വിവരം ലഭിക്കുന്നവർ അറിയിക്കണമെന്ന് ബേപ്പൂർ കോസ്റ്റൽ പൊലീസ് അറിയിച്ചു. ഫോൺ: 9495245082, 04652471003, 9497965028
