തിരൂർ: ചേന്നര എന്‍.ഒ.സി പടിയിൽ ഓട്ടോറിക്ഷ മരത്തിലിടിച്ചുണ്ടായ അപകടത്തിൽ ഓട്ടോ ഡ്രൈവര്‍ക്ക് ദാരുണാന്ത്യം. പോത്തന്നൂര്‍ സ്വദേശി പറമ്പില്‍ വീട്ടില്‍ ശിഹാബാണ് (27) മരിച്ചത്. ശനിയാഴ്ച ഉച്ചയോടെ പുറത്തൂരില്‍ നിന്ന് തിരൂര്‍ ഭാഗത്തേക്ക് വരികയായിരുന്ന ഓട്ടോയാണ് നിയന്ത്രണം വിട്ട് അപകടത്തില്‍പ്പെട്ടത്. ശിഹാബിനെ ഉടൻ ആലത്തിയൂരിലെ സ്വകാര്യ ആശുപത്രിയിലും പിന്നീട് കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ശനിയാഴ്ച വൈകീട്ടോടെ മരിച്ചു. പോത്തന്നൂരിലെ പറമ്പില്‍ ഹംസ - സൈനബ ദമ്പതികളുടെ മകനാണ്. ഭാര്യ: ഫസീല. മുഹമ്മദ് ഷഹബാന്‍ ഏക മകനാണ്. സഹോദരങ്ങള്‍: ഹക്കീം, സുബൈര്‍, ഷംസു, സലീന.
