എരുമപ്പെട്ടി: ഇരുചക്ര വാഹനങ്ങൾ കൂട്ടിയിടിച്ച് പരിക്കേറ്റ് ചികിത്സയിൽ കഴിഞ്ഞയാൾ മരിച്ചു. കാഞ്ഞിരക്കോട് മൂസാലിപടിക്കൽ വീട്ടിൽ പരേതനായ മുഹമ്മദിന്റെ മകൻ മുഹമ്മദാലിയാണ് (62) മരിച്ചത്. കുണ്ടന്നൂർ മുട്ടിക്കൽ മോസ്ക്ക് റോഡിനു സമീപം മെയിൻ റോഡിൽ ഏപ്രിൽ 19ന് ഉച്ചക്ക് ഒന്നിനായിരുന്നു അപകടം. സമൂസ കച്ചവടക്കാരനായ മുഹമ്മദാലി സഞ്ചരിച്ച മോപ്പടും മങ്ങാട് സ്വദേശികളായ യുവാക്കൾ സഞ്ചരിച്ച ബൈക്കും കൂട്ടിയിടിക്കുകയായിരുന്നു. അപകടത്തിൽ മൂന്ന് പേർക്കും പരിക്കേറ്റിരുന്നു. തൃശൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലായിരുന്ന മുഹമ്മദാലി ചൊവ്വാഴ്ച വൈകുന്നേരം മരിച്ചു. മൃതദേഹം പോസ്റ്റുമോർട്ടത്തിനായി മോർച്ചറിയിലേക്ക് മാറ്റി. ഭാര്യ: റുക്കിയ. മക്കൾ: ഷാഹിദ്, ഷിയാദ്. മരുമക്കൾ: മുഹ്സിന, റിസാന. ഖബറടക്കം ബുധനാഴ്ച കാഞ്ഞിരക്കോട് ജുമാമസ്ജിദ് ഖബർസ്ഥാനിൽ.