ആമ്പല്ലൂർ: പറപ്പൂക്കര മുത്രത്തിക്കരയിൽ സ്വകാര്യബസും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു. മാടായിക്കോണം കാക്കനാട്ട് വീട്ടിൽ കുട്ടന്റെ മകൻ സുധീറാണ് (48) മരിച്ചത്. ചൊവ്വാഴ്ച രാവിലെ എട്ടോടെയാണ് അപകടം. നന്തിക്കരയിൽനിന്ന് ഇരിങ്ങാലക്കുടയിലേക്ക് പോകുന്ന ബസും എതിരെ വന്ന ബൈക്കുമാണ് അപകടത്തിൽപെട്ടത്. ഗുരുതര പരിക്കേറ്റ സുധീറിനെ പുതുക്കാട് താലൂക്ക് ആശുപത്രിയിലും പിന്നീട് ജില്ല ആശുപത്രിയിലും എത്തിച്ചെങ്കിലും മരിച്ചു. മാതാവ്: വത്സല. ഭാര്യ: ഷിജി. മക്കൾ: ആര്യ, അനഘ.