ചാവക്കാട്: ഓട്ടോ ഡ്രൈവർ വിദ്യാർഥികളെ സ്കൂളിലെത്തിച്ചയുടൻ കുഴഞ്ഞുവീണ് മരിച്ചു. പാലയൂർ ഇടപുള്ളി താമരത്തു റോഡിൽ പരേതയായ പണിക്കവീട്ടിൽ റുഖിയയുടെ മകൻ റസാഖാണ് (60) മരിച്ചത്. തിങ്കളാഴ്ച രാവിലെ കുട്ടികെളയും കയറ്റി മമ്മിയൂർ എൽ.എഫ് സ്കൂളിലെത്തിയതായിരുന്നു. ഓട്ടോയിൽനിന്ന് ഇറങ്ങിയ കുട്ടികളെ ക്ലാസിലെത്തിച്ച് ഓട്ടോക്ക് അരികെ എത്തിയപ്പോഴാണ് കുഴഞ്ഞുവീണത്. സമീപത്തുണ്ടായിരുന്ന മറ്റു ഡ്രൈവർമാർ ചാവക്കാട് സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. 20 വർഷത്തോളമായി ഓട്ടോ ഓടിക്കുന്ന റസാഖ് അക്കാലം മുതൽ മമ്മിയൂർ എൽ.എഫ്, ചാവക്കാട് രാജ വിദ്യാലയങ്ങളിലേക്ക് കുട്ടികളെ കൊണ്ടുവിടാറുണ്ട്. സാബിറയാണ് ഭാര്യ. മക്കൾ: സഫ്വാൻ, സാബിർ.