കൊണ്ടാഴി: കേരകകുന്ന് വയലിങ്കൽ കരുണാകരന്റെ ഭാര്യ തങ്കമ്മയുടെ (93) മൃതദേഹം വീടിനടുത്തുനിന്ന് ഒരുകിലോമീറ്ററോളം മാറി കാട്ടിൽ കണ്ടെത്തി. കഴിഞ്ഞ 22നാണ് തങ്കമ്മയെ കാണാതായത്. ബന്ധുക്കൾ പഴയന്നൂർ പൊലീസിൽ പരാതി നൽകിയിരുന്നു. തിങ്കളാഴ്ച വൈകീട്ട് അഞ്ചരയോടെയാണ് മൃതദേഹം കണ്ടെത്തിയത്. മൃതദേഹം പോസ്റ്റ്മോർട്ടത്തിനായി മുളങ്കുന്നത്ത്കാവ് മെഡിക്കൽ കോളജ് മോർച്ചറിയിലേക്ക് മാറ്റി. മക്കൾ: അനിത, സിന്ധു, സതീശൻ, ജ്യോതി. സംസ്കാരം ചൊവ്വാഴ്ച.