കൊല്ലങ്കോട്: നായ് കുറുകെ ചാടിയതിനെ തുടർന്ന് നിയന്ത്രണംവിട്ട ഓട്ടോറിക്ഷ മറിഞ്ഞ് ഡ്രൈവർ മരിച്ചു. ചുള്ളിയർ ഡാമിനുസമീപം പരേതനായ ശൈഖ് മുസ്തഫയുടെ മകൻ ജൈലവുദ്ദീനാണ് (63) മരിച്ചത്. കഴിഞ്ഞ തിങ്കളാഴ്ച രാവിലെ കാമ്പ്രത്ത്ചള്ള പഴയപാതയിലായിരുന്നു അപകടം. പരിക്കേറ്റ ജൈലാവുദ്ദീനെ പാലക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ചികിത്സക്കിടെയാണ് തിങ്കളാഴ്ച വൈകീട്ടാണ് മരിച്ചത്. പത്തുവർഷത്തിലധികമായി ഓട്ടോ തൊഴിലാളിയാണ്. ഭാര്യ: സുഹ്‌റ. മക്കൾ: ഷാജഹാൻ, സജീന. മരുമക്കൾ: സജ്‌ന, കബീർ. ഖബറടക്കം ചൊവ്വാഴ്ച ആനമാറി പള്ളി ഖബർസ്ഥാനിൽ.
