മനക്കൊടി: പനിയും ഛർദിയും മൂലം ചികിത്സയിലിരുന്ന വിദ്യാർഥി മരിച്ചു. അരിമ്പൂർ ബാലസുബ്രഹ്മണ്യ ക്ഷേത്ര പരിസരത്ത് താമസിക്കുന്ന കറുത്തേതിൽ അനിൽകുമാറിന്റെ മകൻ അഭിഷേകാണ് (13) മരിച്ചത്. തൃശൂർ സി.എം.എസ് സ്കൂളിലെ എട്ടാം ക്ലാസ് വിദ്യാർഥിയാണ്. കടുത്ത പനിയും ഛർദിയും തളർച്ചയും മൂലം ജില്ല സഹകരണ ആശുപത്രിയിലും തുടർന്ന് എറണാകുളം ആസ്റ്റർ മെഡ്സിറ്റി ആശുപത്രിയിലും പ്രവേശിപ്പിച്ചിരുന്നു. അണുബാധയാണ് മരണകാരണമെന്ന് വീട്ടുകാർ പറഞ്ഞു. മരണത്തെക്കുറിച്ചുള്ള ആരോഗ്യ വകുപ്പിന്റെ നിഗമനം അടുത്തദിവസം പറയാനാകുമെന്ന് അരിമ്പൂർ എഫ്.എച്ച്.സി അധികൃതർ പറഞ്ഞു. മാതാവ്: ബബിത. സഹോദരൻ: അഭിനന്ദ്. സംസ്കാരം വ്യാഴാഴ്ച രാവിലെ 10ന് പാറമേക്കാവ് ശാന്തിഘട്ടിൽ.
