മാള: ബൈക്കിൽനിന്ന് റോഡിലേക്ക് തെറിച്ചുവീണ് വീട്ടമ്മ മരിച്ചു. മാള വടമ കളപ്പുരയ്ക്കൽ ജോസിന്റെ ഭാര്യ അൽഫോൻസയാണ് (54) മരിച്ചത്. ബുധനാഴ്ച പകൽ അഷ്ടമിച്ചിറ-ചാലക്കുടി പാതയിൽ ഗുരുതിപ്പാലയിലാണ് അപകടം. മകൻ ഓടിച്ചിരുന്ന ബൈക്കിന്റെ പിന്നിലിരുന്ന് യാത്രചെയ്യുമ്പോഴായിരുന്നു അപകടം. ഉടൻ ആശുപത്രിയിൽ എത്തിച്ചെങ്കിലും മരിച്ചു. മൃതദേഹം മാള സർക്കാർ ആശുപത്രി മോർച്ചറിയിൽ. മക്കൾ: ജിതിൻ (ഇന്ത്യൻ എയർഫോഴ്സ്, ഖോരഖ്പുർ), ജിതിന. മരുമക്കൾ: ജോമോൻ പ്ലാക്കൽ, സ്നേഹ. സംസ്കാരം വ്യാഴാഴ്ച വടമ മേരി റോസറി കുരിശുപള്ളി സെമിത്തേരിയിൽ.