ചാവക്കാട്: യുവാവിനെ വീട്ടിനകത്ത് തൂങ്ങി മരിച്ചനിലയിൽ കണ്ടെത്തി. കടപ്പുറം മാട്ടുമ്മൽ ലണ്ടൻ റോഡിൽ പരേതനായ കറുപ്പംവീട്ടിൽ ഹംസയുടെ മകൻ ശനീദാണ് (35) മരിച്ചത്. വ്യാഴാഴ്ച രാവിലെ 11ഓടെയാണ് സംഭവം വീട്ടുകാർ അറിയുന്നത്. ബുധനാഴ്ച രാത്രി ഉറങ്ങാനായി റൂമിൽ കയറി വാതിലടച്ച ശനീദ് രാവിലെ ഏറെ വൈകിയിട്ടും എഴുന്നേൽക്കാതായതോടെ വാതിൽ പൊളിച്ചാണ് വീട്ടുകാർ അകത്തുകടന്നത്. ഏറെനാൾ ഗൾഫിലായിരുന്ന ശനീദ് കുറച്ചുകാലമായി നാട്ടിലാണ്. മാതാവ്: മൈമൂന. മകൻ: ഷാറൂഖ്.