പരപ്പനങ്ങാടി: മത്സ്യം വാങ്ങാൻ ചാലിയത്തേക്ക് ബൈക്കുമായി പോകുന്നതിനിടെ വ്യാപാരി വാഹനമിടിച്ച് മരിച്ചു. പരപ്പനങ്ങാടി ആവീൽ ബീച്ചിലെ ചാലിയൻ സിദ്ദീഖാണ് (58) മരിച്ചത്. ബുധനാഴ്ച പുലർച്ചെ ആറിന് കടലുണ്ടി റോഡിലെ അയ്യപ്പൻകാവ് വളവിലായിരുന്നു സംഭവം. നെടുമ്പാശ്ശേരിയിലേക്ക് പോവുകയായിരുന്ന യാത്ര സംഘത്തിന്റെ ട്രാവലറിനെ മറ്റൊരു വാഹനം മറികടക്കുന്നതിനിടയിലാണ് അപകടം സംഭവിച്ചതത്രെ. മറ്റൊരു വാഹനത്തിൽ ഇയാളെ തൊട്ടടുത്തെ സ്വകാര്യാശുപത്രിയിലെത്തിച്ചെങ്കിലും രക്ഷിക്കാനായില്ല. ഭാര്യമാർ: ഹാജറ, പരേതയായ ജമീല. മക്കൾ: അർഷാദ്, അർഷിദ്, അർഷിന ബാനു, ഷാമിൽ, സാലിഹ്, മാലിക്.
