കൊല്ലം: ദീർഘകാലം ദക്ഷിണ കേരള ജംഇയ്യതുൽ ഉലമയുടെ പ്രവർത്തകനും വിവിധ ഘടകങ്ങളുടെ ഭാരവാഹിയുമായിരുന്ന കരുനാഗപ്പള്ളി പുതിയകാവ് ചിറ്റുമൂല കടത്തൂർ കാട്ടൂത്തറ വടക്കതിൽ കോയാക്കുട്ടി മുസ്ലിയാർ (85) നിര്യാതനായി. പുതിയകാവ് മാർക്കറ്റ് ജങ്ഷനിലെ മസ്ജിദിലും കരുനാഗപ്പള്ളി ടൗൺ മസ്ജിദിലും ഇമാമായും ചിറ്റുമൂല മുസ്ലിം ജമാഅത്ത് മദ്റസയിൽ അധ്യാപകനായും സേവനം അനുഷ്ഠിച്ചിട്ടുണ്ട്. ദക്ഷിണ കേരള ജംഇയ്യതുൽ ഉലമ സ്ഥാപകരിൽ പ്രധാനിയായ പി.കെ. യൂനുസ് മൗലവിയുടെ പ്രധാന ശിഷ്യനാണ്. മുസ്ലിം ലീഗ് നേതാവായിരുന്ന പരതേനായ ഹാജി എച്ച്.എം. മുഹമ്മദ് ഹനീഫ ലബ്ബയുടെ മകൾ റാഹിലയാണ് ഭാര്യ. മക്കൾ: ബുഷറ, റാഷിദ്, റസാന, റഫീന. മരുമക്കൾ: ഷാജഹാൻ, ഹലീൽ (യു.എ.ഇ), അൻവർ (ആഫ്രിക്ക), സലീന റാഷിദ്.
