ശ്രീകൃഷ്ണപുരം: കരിമ്പുഴ തോട്ടര ബ്ലൈൻഡ് സ്കൂളിന് സമീപമുണ്ടായ വാഹനാപകടത്തിൽ വയോധികൻ മരിച്ചു. പൊമ്പറ ദുബായ്ക്കുന്നിൽ താമസിക്കുന്ന മേലേപുരക്കൽ രാമൻകുട്ടിയാണ് (മുത്തു - 75) മരിച്ചത്. തിങ്കളാഴ്ച രാവിലെ 11 മണിയോടെയായിരുന്നു അപകടം. കോട്ടപ്പുറം ഭാഗത്ത് നിന്നും കരിമ്പുഴ ഭാഗത്തേക്ക് വരികയായിരുന്ന രാമൻകുട്ടി സഞ്ചരിച്ച സ്കൂട്ടി എതിരെ വന്ന ഗുഡ്സ് ഓട്ടോയിൽ ഇടിക്കുകയായിരുന്നു. ഉടൻ തന്നെ വട്ടമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: പരേതയായ ജാനകി.
