എറിയാട്: എറിയാട് സ്വദേശിയായ യുവഡോക്ടർ ദുബൈയിൽ നിര്യാതനായി. പഴയ ബ്ലോക്ക് ഓഫിസിന് തെക്ക് പരേതനായ എറമംഗലത്ത് ഹൈദ്രോസിന്‍റെ മകൻ ഡോ. അന്‍സിലാണ് (35) മരിച്ചത്. അല്‍ ഐനിലെ ആയുര്‍വേദ ക്ലിനിക്കില്‍ ജോലി ചെയ്തുവരുകയായിരുന്നു. പക്ഷാഘാതം വന്നതിനെ തുടർന്ന് ദിവസങ്ങളായി ദുബൈ റാശിദ് ആശുപത്രിയിൽ ചികിത്സയിലായിരുന്നു. തിങ്കളാഴ്ച പുലർച്ചെ ഹൃദയാഘാതത്തെ തുടർന്നായിരുന്നു മരണം. നാട്ടിലും പ്രവാസലോകത്തും സാമൂഹിക, ജീവകാരുണ്യ പ്രവർത്തന രംഗത്ത് സജീവമായിരുന്നു. മാതാവ്: രഹന ബീഗം. ഭാര്യ: ഡോ. സഈദ (ഗവ. ഹോമിയോ ഡിസ്പെൻസറി, എടവിലങ്ങ്). മക്കള്‍: ഹിബ, ആസിയ ഇഷ. സഹോദരി: ആദിഇഷ. ചൊവ്വാഴ്ച പുലർച്ചെ നാട്ടിലെത്തിക്കുന്ന മൃതദേഹം രാവിലെ എട്ടിന് എറിയാട് മാടവന പടിഞ്ഞാറേ മുഹ്യിദ്ദീന്‍ പള്ളി ഖബര്‍സ്ഥാനില്‍ ഖബറടക്കും.
