മാറഞ്ചേരി: മാറഞ്ചേരി പരിച്ചകം ഹെൽത്ത് സെന്ററിന് സമീപം ബൈക്കുകൾ കൂട്ടിയിടിച്ച് തൊഴിലാളി മരിച്ചു. മാറഞ്ചേരി പരിച്ചകം സ്വദേശി പയ്യപുള്ളിയിൽ കൊല്ലം മുരളീധരൻ (50) ആണ് മരിച്ചത്. ശനിയാഴ്ച രാവിലെ 8.30ഓടെയാണ് അപകടം. ഗുരുതര പരിക്കേറ്റ മുരളീധരനെ തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സി.ഐ.ടി.യു മാറഞ്ചേരി യൂനിറ്റിലെ തൊഴിലാളിയാണ്. ഭാര്യ: സിന്ധു. മക്കൾ: അരുൺ, മായ.
