എടപ്പാൾ: എടപ്പാൾ പൊന്നാനി റോഡിൽ തുയ്യത്ത് ബൈക്കും വാനും കൂട്ടിയിടിച്ച് ബൈക്ക് യാത്രക്കാരനായ യുവാവ് മരിച്ചു. തുയ്യം ആയക്കോട്ട് വാസുവിന്റെ മകൻ അനന്തു (21) ആണ് മരിച്ചത്. തിരുവോണ നാളിൽ ഉച്ചക്കുശേഷം മൂന്നോടെ പൊന്നാനിയിൽ നിന്ന് വരികയായിരുന്ന അനന്തു സഞ്ചരിച്ച ബൈക്കും എതിരെ വന്ന വാനുമാണ് കൂട്ടിയിടിച്ചത്. ഗുരുതര പരിക്കേറ്റ യുവാവിനെ ഉടൻ എടപ്പാൾ ഹോസ്പിറ്റലിൽ എത്തിച്ചെങ്കിലും രക്ഷിക്കാനായില്ല. പൊന്നാനി പൊലീസ് തുടർ നടപടികളെടുത്ത് മൃതശരീരം സംസ്കരിച്ചു. മാതാവ്: ശാലിനി. സഹോദരി: നിരഞ്ജന.
