മാള: ബൈക്കും കാറും കൂട്ടിയിടിച്ച് പരിക്കേറ്റ് ചികിത്സയിലിരുന്ന ഗൃഹനാഥൻ മരിച്ചു. മാള പള്ളിപ്പുറം കണ്ണമ്പിള്ളി പൊറിഞ്ചുവിന്റെ മകൻ തോമസാണ് (59) മരിച്ചത്. കഴിഞ്ഞദിവസം കുഴിക്കാട്ടുശ്ശേരിയിലായിരുന്നു സംഭവം. ഗുരുതര പരിക്കേറ്റ തോമസ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ഭാര്യ: സിജി. മക്കൾ: ബ്ലസ്ന, ബെൻസൻ. സംസ്കാരം വെള്ളിയാഴ്ച രാവിലെ 11ന് മാള ഫൊറോന പള്ളി സെമിത്തേരിയിൽ.