ഗുരുവായൂര്: ബൈക്കിടിച്ച് പരിക്കേറ്റ് ചികിത്സയിലിരുന്നയാള് മരിച്ചു. ഇരിങ്ങപ്പുറം കൃഷ്ണപിള്ള നഗറിനടുത്ത് കുളങ്ങര പറമ്പില് സുനിലാണ് (50) മരിച്ചത്. കോട്ടപ്പടി സെന്ററിലെ പിക്അപ് ഡ്രൈവറാണ്. തിരുവോണ നാളില് വൈകീട്ട് ഏഴോടെ സുഹൃത്തുമായി ഇരിങ്ങപ്പുറം റോഡിലൂടെ നടന്നുവരുമ്പോള് ബൈക്ക് ഇടിക്കുകയായിരുന്നു. ഇടിച്ച വാഹനം നിര്ത്താതെ പോയി. മെഡിക്കല് കോളജ് ആശുപത്രിയില് ചികിത്സയിലിരിക്കെയാണ് മരിച്ചത്. ഭാര്യ: ബിന്ദു. മക്കള്: നന്ദന്, നിരഞ്ജന്, നീതു.