കേച്ചേരി: പെരുമണ്ണില് നിയന്ത്രണംവിട്ട കാറിടിച്ച് പരിക്കേറ്റ് ചികിത്സയിൽ കഴിഞ്ഞ സ്കൂട്ടർ യാത്രിക മരിച്ചു. മറ്റം വാക എടക്കളത്തൂര് വീട്ടില് സല്മോന്റെ ഭാര്യ സിജിയാണ് (42) മരിച്ചത്. തൃശൂരിലെ സ്വകാര്യ ആശുപത്രിയിൽ ചികിത്സക്കിടെ ശനിയാഴ്ച പുലർച്ചയായിരുന്നു മരണം. അപകടത്തിൽ ഗുരുതമായി പരിക്കേറ്റ സൽമോൻ ചികിത്സയിലാണ്. പെരുമണ്ണ് ക്ഷേത്രത്തിന് സമീപത്ത് വെള്ളിയാഴ്ച രാവിലെ എട്ടരയോടെയായിരുന്നു അപകടം. കേച്ചേരിയില്നിന്ന് ആളൂര് ഭാഗത്തേക്ക് പോകുകയായിരുന്ന കാര്, എതിര്ദിശയില്നിന്ന് വന്ന സ്കൂട്ടര് ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്തില് കാറിന്റെ മുന് വശത്തെ ചില്ലിലേക്ക് തെറിച്ച് വീണ യുവതി പിന്നീട് തൊട്ടടുത്ത മതിലിൽ ഇടിച്ച് വീഴുകയായിരുന്നു. കാര് യാത്രിക തോന്നല്ലൂര് അശ്വതി നിവാസില് മുരളീധരന്റെ ഭാര്യ സീതാലക്ഷ്മിക്കും (60) പരിക്കേറ്റിരുന്നു. സംസ്കാരം ഞായറാഴ്ച 11ന് സെന്റ് സെബാസ്റ്റ്യൻ പള്ളി സെമിത്തേരിയിൽ. സിജിയുടെ മക്കൾ: എയ്ഞ്ചൽ, എഡ്വിൻ.