എരുമപ്പെട്ടി: സെന്റ് മേരീസ് ആശുപത്രിക്ക് സമീപം പ്രവർത്തിക്കുന്ന സുധർമ ലബോറട്ടറിയിലെ ട്രെയിനി ജീവനക്കാരിയെ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വയനാട് കൽപറ്റ കാവുമണ്ടം മലഞ്ചേരിപൂക്കുന്ന് വീട്ടിൽ സുരേഷിന്റെ മകൾ ആതിരയാണ് (19) മരിച്ചത്. താമസിക്കുന്ന ക്വാർട്ടേഴ്സിലെ ഹാളിൽ ചൊവ്വാഴ്ച പുലർച്ചെ അഞ്ചോടെയാണ് മരിച്ച നിലയിൽ കണ്ടത്. ആതിരക്കൊപ്പം താമസിക്കുന്ന സഹപ്രവർത്തകയാണ് തൂങ്ങി നിൽക്കുന്നത് കണ്ടത്. പരിസരവാസികൾ ചേർന്ന് ഉടൻ വടക്കാഞ്ചേരി ജില്ല ആശുപത്രിയിൽ എത്തിച്ചെങ്കിലും മരിച്ചു. 10 മാസം മുമ്പാണ് ആതിര ഇവിടെ ജോലിക്കെത്തിയത്. ഓണാവധിക്ക് ശേഷം കഴിഞ്ഞ ദിവസമാണ് തിരിച്ചെത്തിയത്. എരുമപ്പെട്ടി പൊലീസ് ഇൻക്വസ്റ്റ് നടത്തി. മൃതദേഹം പോസ്റ്റ്മോർട്ടത്തിനായി തൃശൂർ ഗവ. മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
