മാള: അഷ്ടമിച്ചിറ ജങ്ഷനില് നിയന്ത്രണം വിട്ട കാര് മറ്റു വാഹനങ്ങളില് ഇടിച്ചുണ്ടായ അപകടത്തിൽ പരിക്കേറ്റയാൾ മരിച്ചു. മാരേക്കാട് കളപുരക്കൽ സുബ്രഹ്മണ്യൻ (74) ആണ് മരിച്ചത്. റിട്ട. കെ.എസ്.ആർ.ടി.സി ഡ്രൈവറാണ്. അപകടത്തില് കാര് ഓടിച്ചിരുന്ന സുബ്രഹ്മണ്യൻ പരിക്കേറ്റ് സ്വകാര്യ ആശുപത്രിയിൽ ചികിത്സയിൽ ആയിരുന്നു. കഴിഞ്ഞ ദിവസം കൊടകര - കൊടുങ്ങല്ലൂർ സംസ്ഥാന പാതയിൽ ആണ് സംഭവം. ഇദ്ദേഹം ഓടിച്ചിരുന്ന കാറാണ് നിയന്ത്രണം വിട്ട് അഞ്ചോളം വാഹനങ്ങളില് ഇടിച്ചത്. ഭാര്യ: പരേതയായ കോമളം. മക്കൾ: പ്രജോഭൻ, പ്രജിത. മരുമക്കൾ: ധന്യ, ബൈജു.