ചേലേമ്പ്ര: ചേലേമ്പ്ര പാറയിൽ നാടകശേരി പുതുവാക്കര മൊയ്തീൻ കോയ മാസ്റ്റർ (90) നിര്യാതനായി. 30 വർഷം പുല്ലിപ്പറമ്പ് എസ്.വി.എ.യു.പി സ്കൂൾ അധ്യാപകനും പ്രധാനാധ്യാപകനുമായിരുന്നു. ചേലേമ്പ്ര പഞ്ചായത്ത് മുസ്‍ലിം ലീഗ് വൈസ് പ്രസിഡന്റ്, ജോ. സെക്രട്ടറി, ഗ്രാമ പഞ്ചായത്ത് അംഗം എന്നീ സ്ഥാനങ്ങൾ വഹിച്ചു. 40 വർഷത്തോളം തുടർച്ചയായി പാറയിൽ വാർഡ് മുസ്‍ലിം ലീഗ് പ്രസിഡന്റായിരുന്നു. കുറുവങ്ങോത്ത് മഹല്ല് കമ്മിറ്റി വൈസ് പ്രസിഡന്റ്, മദ്റസ പ്രസിഡന്റ്, സെക്രട്ടറി, റിഫാഇ ഇസ്‍ലാമിക് നഴ്സറി മാനേജർ തുടങ്ങിയ സ്ഥാനങ്ങളും വഹിച്ചിട്ടുണ്ട്. ഭാര്യ: ബീഫാതിമ. മക്കൾ: അബ്ദുൽ അലി (റിയാദ്), അബ്ദുൽ കലാം, മുഹമ്മദ് ഇഖ്ബാൽ, ശംസുദ്ദീൻ, അഡ്വ. മുഹമ്മദ് ഷമീം, മുഹമ്മദ് ഇർഷാദ് (ദുബൈ), ശിഹാബ് (മലപ്പുറം താലൂക്ക് ആശുപത്രി), പരേതനായ അബ്ദുൽ സലാം. മരുമക്കൾ: ആയിഷ, ഹഫ്സത്ത്, ഫൗസിയ, ഫസീല, സുബീന, സുമയ്യ, ഹാജറ, ജസ്ന.
