കണ്ണനല്ലൂർ: മുതിർന്ന കോൺഗ്രസ് നേതാവും ഡി.സി.സി അംഗവും കോൺഗ്രസ് ബ്ലോക്ക് കമ്മിറ്റി പ്രസിഡന്റുമായിരുന്ന കെ. ഇബ്രാഹിംകുട്ടി (74-റിട്ട. ഡെപ്യൂട്ടി ലൈബ്രേറിയൻ കേരള യൂനിവേഴ്സിറ്റി) നിര്യാതനായി. കണ്ണനല്ലൂർ പബ്ലിക് ലൈബ്രറി സ്ഥാപക നേതൃനിരയിലും ലൈബ്രറി പ്രസിഡന്റ്, ലൈബ്രറി വയോജന സമിതി പ്രസിഡന്റ് എന്നീ നിലകളിലും ദീർഘകാലം പ്രവർത്തിച്ചു. വളരെ ചെറുപ്പത്തിൽ തന്നെ കണ്ണനല്ലൂർ മുസ്ലിം ജമാഅത്ത് പ്രസിഡന്റ്, പൗരസമിതി ഭാരവാഹി, യു.ഡി.എഫ് കൺവീനർ എന്നീ നിലകളിൽ പ്രവർത്തിച്ചു. ആറു പതിറ്റാണ്ടുകാലം കോൺഗ്രസ് നേതൃനിരയിൽ സജീവ സാന്നിധ്യമായിരുന്നു. ഭാര്യ: നൂര്‍ജഹാന്‍. മക്കൾ: ആഷിക്, അനീഷ്, ആരിഷ്. മരുമക്കൾ: സുമയ്യ, ഫാത്തിമ, ജിൻസി.
