കൊണ്ടോട്ടി: സൗദിയില്‍ ഹായിലിനടുത്ത് ഉദൈഫയിലുണ്ടായ വാഹനാപകടത്തില്‍ മലപ്പുറം സ്വദേശി മരിച്ചു. കിഴിശ്ശേരി കുഴിഞ്ഞോളം നെയ്യന്‍ ജംഷീദ് (30) ആണ് മരിച്ചത്. ഭക്ഷണ വിതരണ സ്ഥാപനത്തിലെ തൊഴിലാളിയായ ജംഷീദ് സഞ്ചരിച്ച വാഹനം മറ്റൊരു വാഹനവുമായി കൂട്ടിയിടിക്കുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം സൗദിയില്‍ത്തന്നെ ഖബറടക്കും. നെയ്യന്‍ സിദ്ദീഖിന്റെയും ജമീലയുടെയും മകനാണ്. ഭാര്യ: തസ്നീം ബാനു. സഹോദരങ്ങള്‍: ജസ്‍ലുദ്ദീന്‍, ജുനൈദ്, ജുമാന തസ്നീം.
