ഇരിങ്ങാലക്കുട: വാഹനാപകടത്തില് പരിക്കേറ്റ യുവാവ് മരിച്ചു. മാപ്രാണം വിരുത്തിപറമ്പില് വീട്ടില് കുട്ടന്റെ മകന് കിരണ് (30) ആണ് മരിച്ചത്. കഴിഞ്ഞദിവസം രാത്രി ജോലി സ്ഥലത്തേക്ക് പോകുന്നതിനിടെ തൃശൂര് ശക്തന് ബസ് സ്റ്റാന്ഡിനു സമീപം രാത്രി 11ഓടെ കിരണ് സഞ്ചരിച്ചിരുന്ന ബൈക്കില് മീന് വണ്ടി ഇടിച്ചായിരുന്നു അപകടം. തൃശൂരിലെ ആശുപത്രിയില് ചികിത്സയിലിരിക്കെ തിങ്കളാഴ്ച ഉച്ചതിരിഞ്ഞ് മരിക്കുകയായിരുന്നു. മാതാവ്: ഉഷ കുമാരി. സഹോദരി: കീര്ത്തി പ്രശാന്ത്. സംസ്കാരം ചൊവ്വാഴ്ച രാവിലെ വീട്ടുവളപ്പില്.