മഞ്ചേരി: ബസിടിച്ച് പരിക്കേറ്റ ബൈക്ക് യാത്രികന്‍ മരിച്ചു. മഞ്ചേരി തുറക്കല്‍ തടത്തിപ്പറമ്പ് പാലാശ്ശേരി സുധാകരന്റെ മകന്‍ സായന്താണ് (21) മരിച്ചത്. മഞ്ചേരിയില്‍നിന്ന് കൊണ്ടോട്ടിയിലേക്ക് പോകുംവഴി ഞായറാഴ്ച വൈകീട്ട് അഞ്ചോടെ കൊണ്ടോട്ടി മൊറയൂരില്‍വെച്ചാണ് അപകടം. നിയന്ത്രണംവിട്ട് വന്ന ബസ് ബൈക്കിന്റെ പിറകില്‍ ഇടിക്കുകയായിരിന്നു. തൊട്ടുപിന്നില്‍ മറ്റൊരു ബൈക്കില്‍ യുവാവിന്‍റെ അച്ഛനും അമ്മയും ഉണ്ടായിരുന്നു. ഇവരുടെ മുന്നില്‍വെച്ചാണ് അപകടം. കോഴിക്കോട്ടെ സ്വകാര്യ ആശുപത്രിയിലേക്ക് പോകുംവഴി മരിച്ചു. പോസ്റ്റ്‌മോര്‍ട്ടത്തിനുശേഷം തിങ്കളാഴ്ച ഉച്ചക്ക് രണ്ടരയോടെ വീട്ടുവളപ്പില്‍ സംസ്‌കരിച്ചു. മാതാവ്: മിനി (എളങ്കൂര്‍). സഹോദരി: സരിഗ (എല്‍.എല്‍.ബി വിദ്യാര്‍ഥിനി).
