വെങ്കിടങ്ങ്: നാടൻപാട്ട് ഗായകൻ ഹൃദയാഘാതം മൂലം ഖത്തറിൽ നിര്യാതനായി. കരുവന്തല കിഴക്ക് മേലേടത്ത് പരേതനായ പത്മനാഭന്റെ മകൻ രാജേഷാണ് (47) മരിച്ചത്. സമൂഹമാധ്യമങ്ങളിലൂടെ നാടൻപാട്ടുകൾ അവതരിപ്പിച്ചിരുന്ന ഇദ്ദേഹം ഏറെ ജനപ്രിയനായിരുന്നു. 15 ദിവസം മുമ്പാണ് അവധി കഴിഞ്ഞ് ഖത്തറിലേക്ക് പോയത്. ഖത്തർ സുപ്രീം എജുക്കേഷൻ കൗൺസിൽ ഓഫിസിൽ 18 വർഷമായി ജോലി ചെയ്യുകയാണ്. മാതാവ്: സീമന്തിനി. ഭാര്യ: ലത. മക്കൾ: ആഘോഷ്, ആബൽ. മൃതദേഹം നാട്ടിലെത്തിച്ച് സംസ്കാരം നടത്തും.