പുത്തൂര്: സുവോളജിക്കല് പാര്ക്കിലേക്ക് ഇരുമ്പുസാമഗ്രികളുമായി പോയ പെട്ടിഓട്ടോ മറിഞ്ഞ് ചുമട്ടുതൊഴിലാളി മരിച്ചു. കല്ലൂര് ഞെള്ളൂര് സ്വദേശി കുടിയിരിക്കല് ബേബിയാണ് (57) മരിച്ചത്. ബുധനാഴ്ച ഉച്ചക്ക് 2.30നാണ് അപകടം. ഇരുമ്പുസാമഗ്രികൾ ഇറക്കാൻ നാല് ചുമട്ടുതൊഴിലാളികൾ വാഹനത്തില് കയറിയിരുന്നു. പാര്ക്കില് ഓട്ടോ മറിഞ്ഞതോടെ മൂന്നുപേര് ചാടി രക്ഷപ്പെട്ടു. ബേബി പുറത്തേക്ക് ചാടിയെങ്കിലും ഇരുമ്പുസാമഗ്രികളടക്കം ബേബിയുടെ ദേഹത്തേക്ക് മറിഞ്ഞു. ഓട്ടോക്കടിയിൽപെട്ട ബേബിയെ ഉടൻ പുറത്തെടുത്ത് തൃശൂരിലെ സ്വകാര്യ ആശുപത്രിയില് എത്തിച്ചെങ്കിലും മരിച്ചു. കുരിശുമൂലയിലെ ഐ.എന്.ടി.യു.സി വിഭാഗം ചുമട്ടുതൊഴിലാളിയാണ്. ഭാര്യ: ഉഷ. മക്കള്: ബ്രിജിത്ത്, ബിജിഷ. മരുമകന്: ജീനീഷ്.