ഇരിങ്ങാലക്കുട: കരുവന്നൂർ പാലത്തിൽനിന്ന് പുഴയിൽ ചാടിയ യുവാവിന്റെ മൃതദേഹം കണ്ടെത്തി. മാടായിക്കോണം ചാത്തൻ മാസ്റ്റർ സ്കൂളിനടുത്ത് കൂടലി വീട്ടിൽ ജോസിന്റെ മകൻ ഡിസോളയുടെ (32) മൃതദേഹമാണ് തൃശൂർ, ഇരിങ്ങാലക്കുട അഗ്നിരക്ഷസേനയുടെയും സ്കൂബ ടീമിന്റെയും നേതൃത്വത്തിൽ മണിക്കൂറുകൾ നീണ്ട തിരച്ചിലിനൊടുവിൽ ബുധനാഴ്ച മൂന്ന് മണിയോടെ കണ്ടെത്തിയത്. രാവിലെ ഏഴോടെയാണ് ഡിസോള സൈക്കിളിൽ കരുവന്നൂരിൽ എത്തിയത്. സി.എ ബിരുദധാരിയായ ഇയാൾ തൃശൂരിൽ സ്വകാര്യ കമ്പനി ജീവനക്കാരനാണ്. മാതാവ്: റീന. ഭാര്യ: അനുമോൾ. മകന്: ബെൽറ്റോ (ഒരു വയസ്സ്).