തൃശൂർ: ടൗൺ വെസ്റ്റ് പൊലീസ് സ്റ്റേഷനിലെ സിവിൽ പൊലീസ് ഓഫിസർ തൂങ്ങിമരിച്ചനിലയിൽ. കൊല്ലം ജില്ലയിലെ മുഖത്തല കുറുമണ്ണ ഗീതു നിവാസിൽ ഗീതു കൃഷ്ണനെയാണ് (34) ഞായറാഴ്ച രാവിലെ വെസ്റ്റ് പൊലീസ് സ്റ്റേഷനിലെ പൊലീസുദ്യോഗസ്ഥരുടെ വിശ്രമമുറിയിൽ തൂങ്ങിമരിച്ച നിലയിൽ കണ്ടെത്തിയത്.
2017ൽ പാലക്കാട് കെ.എ.പി രണ്ടാം ബറ്റാലിയനിലാണ് ജോലിയിൽ പ്രവേശിച്ചത്. 2019 മേയ് മാസം തൃശൂരിലേക്ക് സ്ഥലം മാറ്റം ലഭിച്ചതിനെത്തുടർന്ന് എ.ആർ ക്യാമ്പിലും, 2022 ജൂലൈ 21 മുതൽ തൃശൂർ വെസ്റ്റ് പൊലീസ് സ്റ്റേഷനിലും ജോലിചെയ്തുവരുകയായിരുന്നു. സാമ്പത്തിക പ്രതിസന്ധി അനുഭവിച്ചിരുന്നതായി പറയുന്നു. അസ്വാഭാവിക മരണത്തിന് വെസ്റ്റ് പൊലീസ് കേസ് രജിസ്റ്റർ ചെയ്തു. മൃതദേഹം തഹസിൽദാരുടെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി. പോസ്റ്റ്മോർട്ടത്തിനുശേഷം പൊലീസ് സ്റ്റേഷനിൽ പൊതുദർശനത്തിന് വെച്ചു. മൃതദേഹം നാട്ടിലേക്ക് കൊണ്ടുപോയി.