തൃശൂർ: കർണാടക സംഗീതജ്ഞൻ മുരളീധൻ ഉണ്ണി (55) നിര്യാതനായി. വിഖ്യാത സംഗീതജ്ഞൻ മങ്ങാട് കെ. നടേശന്റെ ശിഷ്യരിൽ പ്രമുഖനാണ്. ബാല്യകാലം ചെന്നൈയിലായിരുന്ന അദ്ദേഹം കുറച്ച് കാലമായി അസുഖം ബാധിച്ച് ചികിത്സയിലായിരുന്നു. അവിവാഹിതനാണ്. ഇന്ത്യയിലും വിദേശത്തും നിരവധി ശിഷ്യരുണ്ട്. പരേതരായ ചിറളയം കോവിലകം സി.എ.കെ. രാജയുടെയും കണ്ണമ്പ്ര ഭാഗീരഥി നേത്യാരുടെയും മകനാണ്. സഹോദരി: മൃദുല രാജേഷ് (കാനഡ). സംസ്കാരം വെള്ളിയാഴ്ച ഉച്ച കഴിഞ്ഞ് പാറമേക്കാവ് ശാന്തി ഘട്ടിൽ.