കാടാമ്പുഴ: ദേശീയപാത രണ്ടത്താണിയില്‍ സ്കൂട്ടറുകൾ കൂട്ടിയിടിച്ച് യുവതി മരച്ചു. പുന്നത്തല ചേലക്കോട് മങ്ങത്ത്കുന്നത്ത് അബ്ദുസ്സമദിന്റെ ഭാര്യ മബ്‌റൂകയാണ് (23) മരിച്ചത്. വെള്ളിയാഴ്ച രാവിലെ ഒമ്പതരയോട പൂവന്‍ചിന ഭാഗത്താണ് അപകടം. കോട്ടക്കല്‍ ആലിക്കുട്ടീസ് ആയുർവേദ ആൻഡ് മോഡേണ്‍ ആശുപത്രിക്ക് കീഴിലെ പഞ്ചകര്‍മ തെറപ്പിസ്റ്റ് വിദ്യാര്‍ഥിനിയായ മബ്‌റൂക പഠനകേന്ദ്രത്തിലേക്ക് സ്കൂട്ടറിൽ പോകുന്നതിനിടെ എതിരെ വന്ന സ്കൂട്ടർ ഇടിക്കുകയായിരുന്നു. ഗുരുതര പരിക്കേറ്റ യുവതിയെ ആശുപത്രിയില്‍ എത്തിച്ചെങ്കിലും മരിച്ചിരുന്നു. പടിഞ്ഞാറ്റുമുറി പാങ്ങ് മണമ്മല്‍ പുതുശ്ശേരി ജാബിര്‍ ദാരിമിയുടെയും ഫാത്തിമ സുഹ്‌റയുടെയും മകളാണ്. സഹോദരങ്ങള്‍: ശക്കീബ്, ശാക്കിറ, സ്വാലിഹ്, നാഫിയ, നാജിയ, നിഹ ഫാത്തിമ. കാടാമ്പുഴ പൊലീസ് നിയമനടപടികള്‍ പൂര്‍ത്തിയാക്കി.
